ရခိုင်စာပီ၏(ဧ)သရနှင့်(ဤ)သရအကြောင်း

ရခိုင်စာပီတွင်
(က) ဧသရကို ဤ သရသို့ ပြောင်းလဲရီးသားရွတ်ဖတ်ခြင်း။
(ခ)  ဧသရကို ဧသရအတိုင်းရွတ်ဖတ်ခြင်းဟူ၍ နှစ်မျိုးဟိသည်ကို လေ့လာတွိဟိရပါသည်။ ဤစာ
တမ်းတွင် ယင်းနှစ်မျိုးအား သုတေသနပြုလုပ်ထားပါသည်။


(ဧ)သရကို (ဤ)သရသို့ ပြောင်းလဲခြင်း။

သက္ကရာဇ်(၈၁၇)ခုနှစ်တွင် ရခိုင်ပြည် မြောက်ဦးမြို့တော်၌ နန်းတက်သော ဘစောဖြူမင်းလက်ထက် စာဆိုတော် ဘဒူမင်းညို၏ ရခိုင်မင်းသမီးဧချင်းတွင်
"ကစ္ဆပနဒီ ၊ ဤသည်ညာမွန်
ယဉ်ထန်အတက် ၊ ပင်လယ်ထွက်မှ
နှစ်ဘက်ကမ်းခြီ ၊ ဖြားရီမီ
ရှိဆီပြုဗ္ဗာ၊ အာကာမှီခိုင်း "ဟူ၍ စပ်ဆိုထားပါသည်။ နှစ်ဘက်ကမ်းခြီ ၊ ဖြားရီမီ၌ " နှစ်ဘက်ကမ်းခြေ"
ဟု ဗမာပိုင်ရီးရဖို့ဖြစ်ပါသည်။ ရခိုင်က "ခြေ" ဟု(ဧ)သရသံမထွက် ၊ (ဧ)သရဖြင့်မရီးပါ။ " ခြီ " ဟု
(ဤ)သရခြင့်ရီးကတ် ဖတ်ကတ်ပါသည်။ နှစ်ဘက်ကမ်းခြီ ၊ ဖြားရီမီ မှာလည်း (ရီ) ဟု (ဤ)သရဖြင့် ရီးထားသည်ကို တွိရပါသည်။ ဗမာပိုင် (ရေ)ဟု (ဧ)သရဖြင့် ရီးရ ဖတ်ရဖို့ ဖြစ်ပါသည်။ ထို့ အတူ မြောက်ဦးမြို့  ကျောက်ရစ်ကေ ဆရာမောင်စံလှက ကောဇာသက္ကရာဇ် (၁၁၁၆) ခရစ်သက္ကရာဇ်
(၁၇၅၄)ခုနှစ်တွင် ရီးစပ်သည့် ဓည၀တီနိဂုံးရွာများသာချင်းမှာလည်းများစွာအိမ်ခြီ ၊ ပြည့်ဝှန်စီကေ ၊
ဆန်ရီစပါး စသည်ဖြင့် ရီးစပ်ထားရာ၌ (ခြီ ၊ စီ ၊ ရီ ၊) ဟူ၍ (ဤ)သရဖြင့် ရီးစပ်ထားပါသည်။ ၎င်း
(ဤ)သရကို ဗမာစာပီ၌ (ဧ)သရဖြင့် ( ခြေ ၊ စေ ၊ ရေ) ဟု ရီးကတ် ဖတ်ကတ်ပါသည်။၎င်းသာချင်း
တွင်ပါဝင်သော အောက်ပါသာချင်းဥပမာများသည် ဗမာစာပီ၌ (ဧ)သရဖြင့် ရီးကတ် ဖတ်ကတ်
သော်လည်း ရခိုင်စာပီ၌ကား ( ဤ)သရအဖြစ်ဖြင့်သာ ရီးကတ် ဖတ်ကတ်သည်ကို တွိရပါသည်။
(၁) ကျွန်းဦးမြီမှာ ၊ သပြီခလို့  ၊ ရောင်မြ၀ီဝီ
(၂) ပထွန်းကျက်သရီ ၊ လှဆန်းညီကေ ၊ အိမ်ခြီများစွာ
(၃) လီညှင်းသွန်၍ ၊ မြို့ ရွာတည်ချ ၊ များဗိုလ်ခြီနှင့် ၊ နီလီကြသော်
(၄) တိုင်းမြို့ ရွာမှာ ၊ ကျမ္မာရီးကို ၊ အားပီးကူညီ
(၅)ဘုန်းတောက်ပါရမီ ၊ မဟာဆွီကေ ၊ သာကီမင်းမျိုး
(၆) ဆိပ်ကမ်းခြီမှာ ၊ ကျောက်လှီကားကို စန္ဒြားမင်းမွန် ၊ ပြုလုပ်ပြန်၍
(၇) ငါးရာအိမ်ခြီ ၊ ရိပ်ဝီ၀ီနှင့် ၊ နီလည်းမထိုး စသည်ဖြင့် ရီးစပ်ထားသည်ကို တွိရပါသည်။

အထက်ပါ နမူနာပြ သာချင်း၌ ( မြီ ၊ ပြီ ၊ ၀ီ ၊ ရီ ၊ ခြီ ၊ ရီး ၊ ပီး ၊ ဆွီ ၊ လှီ ၊ နီ ၊ ) ဟူ၍ (ဤ)သရဖြင့် ရီးစပ်ထားသည်ကို တွိရပါသည်။ ဗမာစာပီ ဗမာစကား၌ကား ( မြေ ၊ ပြေ ၊ ဝေ ၊ ရေ ၊ ခြေ ၊ ရေး ၊
ပေး ၊ ဆွေ ၊ လှေ ၊ နေ ) ဟုသာ (ဧ)သရဖြင့်သာ ရီးကတ်ပြောကတ်ပါသည်။မြောက်ဦးခေတ်
လယ်ပိုင်း၌ ရီးထိုးထားသော နရာဓိပတိမော်ကွန်းကျောက်စာတွင်လည်း (သားစဉ်မြီးဆက် ၊စား
စီ ပီး၏ ) ဟူသော အရီးအသား၌ ( မြီး ၊ စီ ၊ ပီး ) ဟု (ဤ)သရဖြင့် ရီးထိုးထားသည်။ ထို့ ကြောင့် ကနိရခိုင်စာပီဆန်းသစ်ရီးမှာ ရီးနီကတ်သော ( နိန်ရာ ၊ စာရွီးသည် ၊ မိန်းခွန်း ) စသောအရီးအ
သားများသည် ရခိုင်ရှိဟောင်းပီစာ ၊ ကျောက်စာများ၏ ရီးထုံးအရ ကောက်ချက်ချလျှင် မှားယွင်း
ပါသည်။ သဒ္ဒါနည်းအရလည်း မှားယွင်းသည်။ ကနိ ရခိုင်တပြည်လုံး၏ အသံထွက် ရာခိုင်နှုန်းအ
ရကြည့်လျှင်လည်း မှားယွင်းပါသည်။ အထူးသဖြင့် ( ရီသောက်နိန်ရေ ၊ ညီလာခံကျင်းပဖို့  နိန်
ရာစွာ ဝေသာလီကွင်းမှာပါ ) စသည့် စကားများကို အလွန်နည်းသော အချို့ ရခိုင်တိပြောကတ်
ပါသည်။ ယင်း (နိန်) အသုံးအနှုန်းသည် အချို့ လူ ၊ အချို့ ဒေသများကသာ ပြောကတ်သဖြင့်ဒေ
သိယစကားအဖြစ်သာ သတ်မှတ်သင့်ပါသည်။ သတ်ပုံအမှန် ၊ သဒ္ဒါအမှန်အဖြစ် လက်မခံသင့်ပါ။ ဗမာစာပီတွင် (နေရာ) ၌ပါသော (ဧ)သရကို (ဤ)သရဖြင့် ရီးလျှင် (နီရာ) ။ (စာရေးသည်)၌ပါ
သော (ဧ)သရကို (ဤ)သရဖြင့်ရီးလျှင် ( စာရီးသည်) ။ (မေးခွန်း)၌ ပါသော (ဧ)သရကို (ဤ)သရဖြင့်ရီးလျှင် (မီးခွန်း) ဟူ၍ ဖြစ်ပါသည်။ ဤကဲ့သို့  ( နီရာ ၊ စာရီးသည် ၊ မီးခွန်း ) ဟုရီးမှသာ
လျှင် ရခိုင်ရှိဟောင်းပီစာ ၊ ကျောက်စာအရ မှန်ကန်သည်ဟု ကောက်ချက်ချရမည်ဖြစ်ပါသည်။ အထူးစဉ်းစားရန်မှာ ၄င်း ဓည၀တီနိဂုံးရွာများသမိုင်းသာခြင်း၌ပင် (မိန်း)ဟုမရီး (မီး) ဟူ၍လည်း
ကောင်း ၊ (နိန်)ဟုမရီး (နီ) ဟူ၍လည်းကောင်း ရီးထားပြီး ကာရန်အရလည်း ချိတ်ဆက်ထားသည်
ကို အောက်ပါအတိုင်းတွိရပါသည်။
(၁) လှစံသီးကို ၊ (မီး)လတ်ရာကား ၊ မဟာမုနိ
(၂)လီညှင်းသွန်၍ ၊ မြို့ ရွာတည်ချ ၊ များဗိုလ်ခြီနှင့် ၊ (နီ)လီကြသော် စသည်ဖြင့်တွိရပါသည်။

ကနိ အချို့  ရခိုင်စာရီးနီရေသူတိပိုင် (မိန်းလတ်ရာကား) ဟူ၍လည်းကောင်း ၊ (နိန်လီကြသော်)ဟူ၍လည်းကောင်း မရီးပါ။ ယင်းကဲ့သို့  ရီးပါက ကာရန်ပါလွတ်လားပါမည်။ (စာရွီးသည်)၌ ပါ
သော (ရွီး)၏ အဓိပ္ပါယ်သည် ရွီးချယ်ခြင်းအနက်ကိုသာရပါသည်။ ထို့ကြာင့် စာရွီးသည်ဆိုသည်
မှာ အေစာမကောင်း ၊ အေစာကောင်းသည် စသည်ဖြင့် ရွီးချယ်ခြင်းကိုသာ အဓိပ္ပါယ်ရပါသည်။
(ရွီး)၌ပါသော (ဤ)သရကို (ဧ)သရအဖြစ်ပြောင်းသော် (ရွေး) ဟုသာ ဗမာပိုင် ရီးရဖတ်ရဖို့ ဖြစ်
သည်။ ဗမာစာပီ၌လည်း (ရွေး)ဟူသည် ရွီးချယ်ခြင်းအဖြစ်သာ အဓိပ္ပါယ်ရပါသည်။ ထို့ ကြောင့်
(စာရွီး)၌ပါဝင်သော (ရွီး)ဟူသည် ရွီးချယ်ခြင်းအနက် အဓိပ္ပါယ်ကိုသာရပြီး ကျောက်ထက်၊ပီထက်၊ ကြီးပြားထက်၌ အက္ခရာထင်စီရန် ပြုလုပ်ခြင်းဟူ၍ အဓိပ္ပါယ်မဖွင့်ဆိုနိုင်ပါ ။ ဓည၀တီနိဂုံးရွာများ
သမိုင်းသာခြင်း၌ (ရွီး)ကို ရွီးချယ်ခြင်းအဖြစ်သာ အဓိပ္ပါယ်တိုက်ရိုက်ဖွင့်ဆိုထားပါသည်။ (လွန်နည်း
ပါး၍ ၊ ဘုရားကိုသာ ၊ ရွီးချယ်ကာဖြင့် ) ဟူ၍ ဖြစ်ပါသည် ။ (ဧ)သရနှင့် (ဤ)သရသည် သဒ္ဒါနည်း
အရ (ဧ)သရမှ (ဤ)သရသို့  ပြောင်းလဲနိုင်သကဲ့သို့  (ဤ)သရမှလည်း (ဧ)သရသို့ ပြောင်းလဲနိုင်
ပါသည်။ (စာရေး)၌ (ဧ)သရသာပါပြီး (က္က)သရမပါပါ။ ထို့ ကြောင့် (ဧ)သရသည် (ဤ)သရသို့ ပြောင်းလဲသည့်အခါ (ရီး)ဟုပြောင်းလဲရမည့်အစား (ရွီး)ဟု (က္ကု)သရအပိုပါလာခြင်းသည် သဒ္ဒါစည်းကမ်းအရလည်း မှားယွင်းပါသည်။ သဒ္ဒါစာပီ၌ (က္ကု)သရဟူသည် လုံးကြီးတင်နှင့်ဝဆွဲကို ခေါ်ပါသည်။ အထက်ပါ အထောက်အထားများအရ ရခိုင်စာပီ ဆန်းသစ်ရီးလမ်းကြောင်းထက်မှာ
(စာရွီးသည်) ဟူသော သတ်ပုံမှား အစား (စာရီးသည်) ဟူသော သတ်ပုံအမှန်ကို သုံးသင့်ပါသည်။

(ဧ)သရကို (ဧ)သရအတိုင်းရီးသားခြင်း

ရခိုင်ဗမာစာပီနှိုင်းယှဉ်ချက်အရ ဗမာစာပီ၌ ပါရှိသော (ဧ)သရကို ရခိုင်စာပီ၌ (ဤ)သရဖြင့် ရီး
ကတ်ဖတ်ကတ်ခြင်းဟိကေလည်း (ဧ)သရတိုင်းကို (ဤ)သရအဖြစ် ပြောင်းလဲသည်မဟုတ်ပါ ။
(ဧ)သရကို (ဧ)သရအတိုင်း ရီးကတ် ဖတ်ကတ်ခြင်းလည်းဟိပါသည်။ ရခိုင်ဘာသာစကားမှာ ယဉ်ကျေးသည့် အသုံးအနှုန်းအဖြစ် (ဟုတ်ပါရေ) ဟုသုံးပါသည်။ ၎င်း (ရေ)၌ ပါသော (ဧ)သရကို
(ဧ)သရအတိုင်း ရီးကတ် ဖတ်ကတ်ပါသည်။ (ဤ)သရအဖြစ် ပြောင်းလဲကေ (ဟုတ်ပါရီ) ဟုဖြစ်
လားမည်။ ရခိုင်ဘာသာစကား၌ (ဟုတ်ပါရီ)ဟူ၍ မရှိပါ ။ ဓည၀တီနိဂုံးရွာများသမိုင်းသာခြင်းတွင်
(၁)လေးမျက်နှာတွင် ၊ ခိုင်စွာပြုကေ
လေးခုထားလို့ ၊ လေးပါးမြို့နွယ် ၊ ရပ်လေးသွယ်နှင့်
(၂) ပဉ္စလောဟာ ၊ ရတနာဖြင့်
သွန်းကာလုပ်ကေ ၊ ခြောက်ရောင်ထင်၍
မြင်မညီးအောင် ၊ သွန်းဖြိုးရေလေး ဟူ၍ စပ်ဆိုထားပါသည်။ ၎င်းသာခြင်း၌ (လေး ၊ ကေ ၊ ရေ ၊ )
တို့ ၌ ပါသော (ဧ)သရကို (ဤ)သရအဖြစ် မပြောင်းလဲရပါ ။ဂန္ထ၀င်မြောက်ရခိုင်သျှင်ဒိုင်တေးချင်း
တွင်လည်း (ဧ)သရကို (ဧ)သရအတိုင်း ရီးကတ်ဖတ်ကတ်သည်ကို အောက်ပါအတိုင်းတွိရပါသည်။
တွားတတ်(သျှေ) ထိုင်တတ်(သျှေ) ပြိုင်းပေါက်ပါလတ်(ကေ) ခြီ(သျှေ)လက်(သျှေ)လှုပ်ဗျာလ်တီး ဘူဘူတီး(ကေ) ချိန်တိုင်းက(ရေ) အသူက(ကေ) လှပါ(ရေ) ဘု(သျှေ)က(ကေ) ချိန်တိုင်းလှပါ(ရေ)
အထက်ပါ ရခိုင်ဂန္ထ၀င်တေးချင်းတွင်လည်း (ဧ)သရကို (ဧ)သရအတိုင်း ရီးထားပြီး ဆိုရေအခါလည်း
(ဧ)သရသံသာထွက်သည်ကို တွိရပါသည်။အထူးသဖြင့် နောက်ဆုံးပုဒ်၌ ပါဝင်သော(ဧ)သရကို(ဧ)သရအတိုင်း ရီးကတ်ဖတ်ကတ်သည်ကို တွိဟိရပါသည် ။ ။
ခိုင်လင်း(မေဃ၀တီ)
၁၁ ၊ ၁၀ ၊ ၁၀ ၊ ည ၁၂း ၀၀

မှတ်ချက်။ ။ အကျွန့်ကို ရခိုင်စာပီနှင့်ပတ်သက်သော စာတမ်းများ ၊ ဆောင်းပါးများရီးသားရန် တိုက်တွန်းသော ဆရာကြီးဒေါက်တာ အေးကျော်အား ကျေးဇူးအထူးတင်ဟိပါသည်။ အထူးသဖြင့် ရခိုင်စာပီမြှင့်တင်ရီး ရခိုင်စာပီရီးသားရီးဟု ပြောနီကေလေ့သော့ရခိုင်စာပီအတွက် သဲတပွင့်ထမ်း
ရွက်သော အကျွန်၏ ဤစာတမ်းကို လုံးဝမဖော်ပြသော (အမည်မဖော်လိုသော) ဘလော့(ဂ်)တခု
အား ပို၍ ကျေးဇူးတင်ဟိပါသည် ။ နောက်ထပ် ဘလော့(ဂ်)တခုကို လုပ်နီရေ ညီသျေတယောက် ခရီးထွက်နီသဖြင့် မတင်ဖြစ်သီးပါ ။ ထို့ ကြောင့် ရခိုင်စာပီနန်းတော်ကြီးအတွက် အကျွန်၏ အား
ထုတ်ကြိုးစားမှုသည် (သဲတပွင့်)အဖြစ် ပါဝင်လီဖို့လို့ယုံကြည်မိပါသည်။ အခြားဘလော့ဂါများ
အနီဖြင့် အကျွန်၏ ဤ စာတမ်းကို လွတ်လပ်စွာ ဖော်ပြခွင့်ပြုပါသည် ။